الوكالة ديالك كاملة، ف جيبك.

موقع ديالك، واجد من النهار الأول

غير تسجّل، الوكالة ديالك كيولي عندها موقع بسميتها. الزبناء كيختارو التواريخ، كيشوفو الطوموبيلات الخاويين، و كيحجزو — بلا ما يعيطو ليك.

• كيبانو غير الطوموبيلات اللي خاويين بصح ف التواريخ ديال الزبون.
• الزبون كيشوف الثمن كامل ديال الكرا، ماشي «ابتداءً من».
• الحجز كيدخل نيشان للبلانينغ ديالك، و الزبون كيوصلو التأكيد.
• مصاوب باش يبان ف Google ملي شي واحد كيقلب على «كراء طوموبيل» ف المدينة ديالك.

سالا الحجز المزدوج

كل طوموبيل عندها البلانينغ ديالها: مكرية، محجوزة ولا خاوية، ف نظرة وحدة. Kennach كيرفض أوطوماتيك أي حجز كيدخل ف حجز آخر — حتى إلا جوج خدامة كليكاو ف نفس الثانية.

• البلانينغ ديال الطوموبيلات كاملين ف شاشة وحدة.
• الطلب أونلاين اللي ما تأكّدش كيطلق الطوموبيل من بعد 30 دقيقة (كتقدر تبدلها).
• زبون جا للوكالة؟ الفيش ديالو، الحجز و الدوفي ف مرة وحدة.

الكونطرا كتتسنّى ف التيليفون ديال الزبون

الكونطرا كتعمّر بوحدها من الحجز: الزبون، السايق الثاني، الطوموبيل، الشروط و المعلومات القانونية ديالك. ما بقا والو تعاود تكتبو.

• النمرة ديال الكونطرات كتبع بعضها، بلا فراغ و بلا تكرار — بحال الكارني ديالك.
• من بعد التوقيع، الكونطرا ما بقاتش كتتبدّل: عندك الدليل إلا وقع شي مشكل.
• كل توقيع مسجّل بالتاريخ و الساعة.
• كتفضّل الورق؟ طبع، سنّي، و صوّر: الصورة كتتحفظ ف الملف.

كتعرف فين مشا كل درهم

كل خلاص مسجّل بالمبلغ ديالو، طريقة الخلاص، الوصل، و الخدام اللي قبضو. ما بقاش النقص ف الصندوق بلا ما تعرف علاش.

• الكوسيون كيتبع بوحدو: عمرو ما كيدخل ف الشيفر ديال المعاملات.
• «شحال من كوسيون عندي، و ديال شكون؟» — الجواب ف شاشة وحدة.
• الفيرمون كيبقى «خاصو يتشيّك» حتى تشوفو ف الروليفي ديال البنكة.

الزبون كينكر 400 كيلومتر؟ وريه الطريق.

شوف الطوموبيلات ديالك كاملين لايف ف الخريطة. كل طريق مسجّل و مربوط بالكرا، و تقدر تعاود تشوفو وقتما بغيتي. كيخدم مع أي بواطية GPS كتقدر تصيفط البلاصة ديالها.

الكيلومترات الزايدة كتتحسب نهار بنهار، بالتعريفة ديالك. لا تخمين، لا جدال.

عرف شمن طوموبيل كتربّحك بصح

الأرقام ديالك على 30 يوم، على الشهر ولا على العام، مقارنة مع اللي قبل. الكوسيون و الإلغاءات ما كيتحسبوش مداخيل: كتشوف الأرقام الحقيقية.

Kennach كينبّهك على اللي محتاج الاهتمام ديالك — طوموبيل ما كتخرجش، فلوس ما تخلصاتش، وراق قربو يساليو، كوسيون خاصو يترجع — من المستعجل للأقل.

ثمن واضح. الموقع داخل.

14 يوم تجربة فابور، بلا كارط بانكية. من بعد، اشتراك ديال عام كتخلصو بفيرمون — و كترجع ليك فلوسك ف 30 يوم إلا ما عجبكش Kennach.